Deallusrwydd Artiffisial ac Awtomeiddio ar gyfer Cynnydd Effeithiolrwydd
Mae gennym gyfle cyffrous i sefydliadau trydydd sector Cymru ymuno â ni ar her ddylunio.
Byddwn yn edrych ar sut gall digidol wella’r gwasanaeth rydych yn ei ddarparu i’ch defnyddwyr drwy ddilyn y broses Darganfod, Diffinio, Datblygu.
💡Nodau
Yn darparu'r wybodaeth a'r sgiliau i gyfranogwyr roi datrysiadau digidol ar waith wrth ddilyn dull ystwyth sydd yn canolbwyntio ar y defnyddiwr.
Hysbrydoli i gymryd mantais o ddulliau digidol i arbed amser a macsimeiddio'r effaith gymdeithasol.
🧑🏫 Deilliannau dysgu
Yn ystod y cwrs, bydd cyfranogwyr yn:
Cael cyfle i ddatrys her go iawn mae eu sefydliad yn wynebu
Neilltuo amser a gofod i brofi ffyrdd newydd o weithio
Dysgu pethau newydd am eu heriau a'u hanghenion sefydliadol
Derbyn mentora ac arweiniad gan arbenigwyr digidol
Dysgu sut i weithredu adnoddau digidol yn effeithiol, gan ddilyn y broses Cynllunio Gwasanaeth
Arbrofi gydag adnoddau digidol newydd
Cael mynediad at adnoddau
Anogir dau berson o bob sefydliad i fynychu'r cwrs (er nad yw'n hanfodol). Mae angen i bob person gofrestru'n unigol.
📅 Strwythur y cwrs
Dros yr 8 wythnos, bydd angen cadw tri dyddiad yn rhydd yn eich calendr.
Cyfnod Darganfod
1. Gweminar Cyflwyno: 1 Hydref, 2 yb - 5 yp [AR-LEIN].
Bydd y cwrs yn dechrau gyda gweminar hanner diwrnod lle byddwch yn cael eich cyflwyno i'r fethodoleg dylunio gwasanaeth, sut beth yw'r broses, a sut i ddeall anghenion defnyddwyr yn well.
Yna bydd gennych bedair wythnos i gwblhau darn o ymchwil yn canolbwyntio ar ddeall ble y gallech fod yn arbed amser. Awgrymir i chi ganiatáu 2-3 awr yr wythnos i gwblhau'r ymchwil yma.
Cyfnod diffinio
2. Gweithdy Prototeipio
30ain Hydref 9:30 yb - 4:30 yp, Caerfyrddin [WYNEB YN WYNEB]
neu
31ain Hydref 9:30 yb - 4:30 yp, Caerdydd [WYNEB YN WYNEB]
Yn y gweithdy wyneb i wyneb rhyngweithiol yma, byddech yn cael eich tywys trwy weithgareddau i ddiffinio maes i ganolbwyntio arno ac archwilio ffyrdd y gall AI ac awtomeiddio arbed amser i chi. Byddech yn llunio cynllun o sut yr ewch ati i brofi eich syniad arbed amser a chasglu'r canlyniadau.
Rydym wedi trefnu dau weithdy prototeipio i gyrraedd eich anghenion. Dim ond un o'r rhain sydd yn rhaid i chi fynychu. Penderfynwch pa ddyddiad sydd orau a pa ardal sydd yn haws i chi deithio yno. Bydd pob sesiwn yn union yr un peth, ond mewn lleoliadau gwahanol.
Byddem yn ad-dalu costau teithio. Cysylltwch â lucyp@promo.cymru i drefnu hyn yn dilyn y gweithdy prototeipio.
Cyfnod datblygu
Bydd gennych bedair wythnos i brofi eich ateb a chasglu canlyniadau.
3. Sesiwn cloi: 5ed Rhagfyr, 10yp - 12yb [AR-LEIN]
Ar ddiwedd yr wyth wythnos, byddwch yn cymryd rhan mewn gweminar i rannu’r hyn rydych wedi’i ddysgu drwy gydol y cwrs a byddwch yn dathlu’r hyn rydych wedi’i gyflawni.
Tasgau hunan-astudio
Rhwng y sesiynau, byddwch yn cael eich arwain drwy gyfres o weithgareddau y gallwch eu cwblhau yn eich amser eich hun.
Rydyn ni’n argymell eich bod yn caniatáu 2-3 awr yr wythnos ar gyfer y cwrs.
Cyfarfodydd mentora gyda hyfforddwyr
Byddech chi hefyd yn cael 2 (neu fwy os hoffech) cyfarfod mentor awr o hyd gyda'r hyfforddwyr i sicrhau eich bod chi ar y trywydd cywir ac i'ch cefnogi gyda'r prosiect.
Dim yn siwr?
Os ydych chi’n ansicr am gofrestru i’r cwrs llawn, cofrestrwch am ein sesiwn blasu.
🌟 Ar gyfer pwy mae’r cwrs yma?
Mae’r cwrs yma ar gyfer Sefydliadau Trydydd Sector sydd wedi’u lleoli yng Nghymru neu sy’n darparu gwasanaethau yng Nghymru.
Anogir dau berson o bob sefydliad i fynychu'r cwrs, er nad yw'n hanfodol. Mae angen i bob person gofrestru'n unigol.
Mae’r cwrs yma wedi'i anelu at sefydliadau sydd ar gychwyn eu siwrne AI. Nid oes angen profiad blaenorol o ddefnyddio AI, ond bydd rhaid i un aelod o'ch tîm fod â sgiliau digidol sylfaenol.
🚀 Beth ydy Newid?
Mae Newid yn hyrwyddo arferion digidol dda ledled trydydd sector Cymru. Cyflawnir hyn wrth ddarparu hyfforddiant, cymorth a gwybodaeth. Mae'n bartneriaeth rhwng ProMo Cymru, Cwmpas a CGGC ac yn cael ei gefnogi gan y Canolfan Gwasanaethau Cyhoeddus Digidol.
💰 Sut mae’r cwrs yma’n cael ei ariannu?
Mae Llywodraeth Cymru yn ariannu'r cwrs yma trwy'r rhaglen Newid.
Diolch yn fawr.