Cover Image for مغامرة مرسى علم فى أجازة شم النسيم وعيد العمال - Camping in Marsa Alam

Hosted By

مغامرة مرسى علم فى أجازة شم النسيم وعيد العمال - Camping in Marsa Alam

Hosted by Go camping - يلا نخيم

Past Event

Welcome! To join the event, please register below.

You will be asked to verify token ownership with your wallet.

About Event

مغامرة مرسى علم فى أجازة شم النسيم وعيد العمال - Camping in Marsa Alam

مطلوب 20 مغامر لمواجهة

الدلافين في موطنهم الاصلي

شم النسيم السنة دي استكشف معانا أجمل شواطئ مصر و أتعرف على طبيعة بحرية ساحرة و كمان لأول مرة جرب الكياك في مرسى علم , وزيارة أبودباب لمشاهدة بإذن الله السلاحف و الدجنجو فى مالديف مصر .

Go camping - يلا نخيم

برنامج الرحلة:

هنتحرك ان شاء الله يوم الخميس (2 مايو) بالليل والوصول للقاهرة هيكون يوم الأثنين (6مايو) ليلاً .

اليوم الأول الجمعة 5/3
الوصول لمدينة مرسى علم و التسكين في الكامب
بعد ما نريح هننزل الميا و نعمل سنوركلينج وهنجرب الكياك لأول مرة في مرسى علم وهيكون في مسابقات كتير و أنشطة داخل الكامب و هنلعب بالدارتس و القوس و الأسهم و هنتعلم الرماية.

اليوم التاني السبت 4/5
التحرك من الصبح بدري على

شاطئ رأس حنكوراب (شرم اللولي) و الشاطئ المصنف من أجمل شواطئ العالم أنقى ميا هتشوفها في حياتك
هنعمل سنوركيلينج و هنشوف طبيعة بحرية غنية جدا
هنتحرك بعد كدا على

شاطئ النيزك و نشوف شكله المميز و قصته و نتصور معاه

اليوم الثالث الأحد 5/5
هنتحرك من بدري على

شاطئ أبو دباب وده من أجمل شواطئ مرسى علم و مناسب للمبتدئين في السباحة و مشهور بالسلاحف و الدجنجو

هنتحرك بعد كدا على

خليج قلعان نستكشف طبيعته الساحرة وهنزور

شجرة المنجروف الشهيرة بطبيعتها المميزة جدا و سط البحر و هنتصور معاها.

اليوم الرابع الأثنين
بعد الإفطار هيتم تسليم الغرف و مغادرة الكامب و التوجه لـ

مدينة القصير
هناك هنتوقف ريست بالطريق وهناكل إختيارى للى حابب أكلة سمك حلوة ( خارج تكلفة البرنامج ) و نعمل جولة و نتصور
الوصول للقاهرة هيكون يوم الأحد ليلا .

الإقامة لمدة ٣ ليالي هتكون في كامب ستارجولا أجمل كامب في مرسى علم التسكين في هتات (غرف زوجية و ثلاثية) على البحر مباشرة .
الإقامة في الكامب جزء من تجربة الرحلة هيكون متاح لينا طول الوقت ألعاب و أنشطة مختلفة هناك و مسابقات هتعمل جو جميل بينا ( قوس و أسهم دارتس مسابقاات رماية) و هيكون متوفر عصارة تقدر تعمل لنفسك عصير و كمان متاح لينا طول الوقت الكياك ( اللي شفاف و تقدر تشوف من خلاله الشعب المرجانية)
كل يوم بالليل بعد ما نخلص برنامج اليوم و نرجع الكامب هيكون في سهرة حوالين النار أو الشاي العربي و قهوة الجبنة المميزة لقبائل العبابدة هنتعرف على بعض أكتر و هنرجع من هناك أصحاب و عيلة و في أفكار مجنونة و مفاجآت هنعرفها هناك

Go camping - يلا نخيم

فى حاجة مهمة لازم نعرفها .. وهى إننا مش بننافس الشركات فى الأسعار وإننا فى برنامجنا مش بنعمل نسخ ولصق من برامج الشركات كإنه قالب وبيتكرر من غير اى شئ مميز .. وليك الحق إنك تجرب .
وهدفنا فى صفحة يلا نخيم إنكم تعيشوا تجربة تخييم كإنكم بتتولدوا فيها من جديد .. وإننا نشارككم متعة التخييم والمغامرة .

من فضلكم ورجاء قراءة تفاصيل البرنامج بدقة وعناية لانها بمثابة العقد الذى يجمع بيننا وبينكم .. ومذكور السعر والتكلفة وأدق تفاصيل المغامرة .. وبنرحب بأى أستفسار بعد الأطلاع على التفاصيل .
( محمد عجوزة ) .

Go camping - يلا نخيم

تكلفة الرحلة ( 5500 ج ) ودي فرصة لأنها شامله بإذن الله كل شئ تم ذكره من زيارة أبو دباب وحنكوراب والنيزك والقلعان ووجبات الطعام والأقامة والانتقالات والتصاريح ومتطلبات المبيت والتذاكر الخاصة بالشواطئ وأبو دباب والمحمية ( يعني مفيش حاجة مستخبية بالبرنامج ) .

الرحلة على نظام ال Camping

وكل يوم هيبقى في Snorkeling

وبالليل قاعدةوسهرة حوالين ال Campfire

الرحلة غير مناسبة للأشخاص هواة الفنادق والأقامة 5 نجوم

لما بنعلن عن سعر أى رحلة بتكون شامله كل حاجة
الاقامه + الوجبات + برنامج الفسح كامل + المزارات + التذاكر + الانتقالات الداخليه + الانتقالات من و إلي القاهرة.
يعني السعر شامل كل حاجه مكتوبه في البرنامج و مافيش اي حاجه مستخبيه ولا هاتتفاجئ انك هاتدفع حاجه هناك

السعر يشمل الإقامة في الكامب و وجبتي الإفطار و الغداء و مشروبات و فاكهة و جميع الانتقالات و تذاكر المحمية و الشواطئ و التصاريح الأمنية.
مطلوب وجود بطاقة شخصية سارية و ملابس ل ٣ أيام و أدواتك الشخصية وطبعا المايوهات و ماسك السنوركلينج
يمكن توفير الزعانف و ماسكات السنوركلينج و اللايف جاكت بتكلفة إضافية مع ضرورة التبليغ بالمقاسات قبلها و ينصح لتجربة لا تتكرر في مرسى علم ان تكون الأدوات كاملة

Go camping - يلا نخيم

- يوجد حمامات افرنجى نظيفة بالكامب ومياه وكفاترية وكهرباء وتغطية لشبكات المحمول .
- اجواء الكامب مناسبة لجميع الافراد .
-السفاري مناسب لعشاق المغامرة و ذو القدرة على المرونة والتعايش بأجواء المحميات والكامبات مع الصحراء والبحر والجبال والطبيعة ولا تناسب تماماً هواة الفنادق الـ 5 نجوم ولا تناسب ابدا معتادي الراحة والرفاهية المُطلقة ، وللتأكيد التجربة بمرسى علم ممتعة جداااااا ومميزة .
- لو بتحب التصوير

هتقضي السفاري تصوير من اوله لاخره وبالاكثر كمان فى الكامب والمزارات و ممكن كمان تعمل سيشن تحفة خصوصاً إن المكان مُصنف كمنطقة تُراث طبيعي وبيبقى روعة في الحقيقة و الصور كمان

Go camping - يلا نخيم

‎

ايه اللى تجيبة معاك
‎- البطاقه الشخصيه أو جواز السفر وتكون سارية ( هام جدا جدا وضرورى ) .
‎- اللبس المناسب ل 3 ايام فى شنطة متوسطة الحجم .
‎- غطاء للراس .
‎- حذاء رياضى خفيف ، وحذاء للبحر .
‎- كشاف رأس صغير .
‎- فوطة وملابس بحر
‎- ادواتك الشخصيه
‎- أووف للناموس ( off ) .
- نظارة شمس
- باور بانك ( مهم ) .
- ملاية سرير(لو بتفضل كده)
- ملابس بحر
- حذاء للبحر
- ادواتك الشخصيه
- عدة Snorkelling
‎- ادوات سنوركلينج ( ولايف جاكيت ) المكان ليس لديه تاجير ماسكات ولا لايف جاكت فى حاله الاحتياج إلى تاجير .

Go camping - يلا نخيم

سياسة الأطفال :
- التخييم كمناخ مناسبه للاطفال وكبار السن ، وأمان جدااا ، وللتأكيد رحلتنا عبارة عن تخييم واستجمام واسترخاء واننا نفصل شوية عن المدنية .. وده طبعاً حاجة صعب يستوعبها الأطفال

السفاري مناسب لجميع الأعمار ، ومن 4 سنوات وما فوق يتم احتسابه كفرد كامل .
________________________

سياسة الحيوانات الأليفة المتعارف عليها بجميع أنواعها :
غير مسموح بإصطحاب الأليف بالباص ، لكن مسموح به فى المحمية ، فحالة معكم وسيلة الأنتقال الخاصة بكم فمفيش مشكلة فى اصحاب الأليف ، ( لكن للتوضيح غير مسموح به فى وسيلة الأنتقال الخاصة بالجروب ) .

________________________

سياسة الحجز والإلغاء والاسترداد :
1- الحجز عن طريق التحويل من اى حساب بنكى فى مصر على حسابنا التجارى ببنك CIB ( برجاء الاتصال على رقم 01004882109 أعطائكم رقم الحساب البنكى وتأكيد الحجز ) .

2- وممكن من خلال الأيداع بمكينة ATM الخاصة ببنك CIB ( برجاء الاتصال على رقم 01004882109 أعطائكم رقم الحساب البنكى وتأكيد الحجز ) .

3- ( Instapay ) وتقدر تحول لينا من حسابك البنكي بشكل مباشر باستخدام برنامج البنك المركزى Instapay

4- عن طريق خدمة فودافون كاش على الرقم 01004882109
(مع اضافة 2% رسوم تخصم عند السحب ) برجاء الاتصال على 01004882109 قبل التحويل لتأكيد الحجز ) .
- فى حالة الألغاء قبل موعد السفارى ب 10 أيام بيتم استرداد مبلغ الاشتراك كامل .
- فى حالة الألغاء قبل موعد السفارى ب 7 أيام بيتم خصم تكلفة مقعد الباص ، وفى حالة توافر شخص بديل فبيتم استرداد المبلغ كامل .
- فى حالة الألغاء قبل موعد السفارى ب 5 أيام بيتم خصم 50% إلا فى حالة توافر شخص بديل فبيتم استرداد المبلغ كامل .
- فى حالة الألغاء قبل موعد السفارى ب 72 ساعة لايمكن استرداد قيمة الاشتراك غير فحالة توافر شخص بديل فبيتم استرداد المبلغ كامل .
- فى حالة وجود فرد أجنبى ( غير مصرى ) بيكون فى زيادة 250 ج تذكرة مبيت وتصريح المحمية .
- فى حالة الإلغاء من قبل المُنظم لأي ظرف فيتم استرداد المبلغ كامل بالطريقة التي تم الإرسال عن طريقها .
ملاحظات اضافية :
- ترتيب مقاعد الباص يتم بأسبقية الحجز .
-تأكيد الحجز بدفع المبلغ .
- الجو بيبرد بليل هات معاك سويت شيرت او شال احتياطي .
- التأخير في اي وقت بيأثر على برنامج اليوم كله فرجاء لازم تلتزم بالمواعيد .
- سيتم مراجعة الأرصاد الجوية قبل موعد التحرك بـ 72 ساعة .. وفي حال توقع وجود ضرر من الأحوال الجوية .. سيتم تأجيل أو إلغاء الرحلة واعادة الاشتراكات , مع الأخذ في الاعتبار أن الأرصاد الجوية بها دائماً نسبة خطأ لا يمكن تجاهله .
- قد يتغير ترتيب فقرات البرنامج أو تعديل وتغيير جزء منها طبقاً لظروف المكان وخط سير الرحلة .
- وقد يتم تعديل توقيت اى جزء من البرنامج حسب حدوث متغيرات جديدة .
- يحق للمنظم إلغاء الرحلة في أى وقت وفحالة إذا كانت الظروف الجوية غير مناسبة أو طرق السفر غير آمنة وإذا كان عدد الحضور والمشتركين غير كاف حرصاً على سلامة الجميع .
( يرجى العلم بأن الحجز يعني الموافقة على كافة التفاصيل السابقة ) .