Ras Sedr 🥰 | Tba.eg
📢 جاهزين لمغامرتنا الاستكشافية الجديدة 😎
📌يلا نعمل رحلة جديدة تاني و عشان مكان رايق و قريب من القاهرة قررنا نروح نستكشف " راس سدر " نفصل هناك يومين و منعملش حاجة غير البلبطة و الفصلان
كمان الحمد لله مش هتحتاج ولا يوم أجازة 🥳 يوم 24 اجازة الثورة و الجمعة و السبت كدا كدا اجازة
📆 المواعيد : • التحرك من القاهرة هيكون يوم الخميس الصبح 24 يوليو • و الرجوع للقاهرة: السبت 26 يوليو آخر النهار. بالليل في حدود 8~9 القاهرة
(3 ايام ليلتين).
⛺️ إقامتنا هتكون ع شاطئ البحر في راس سدر ❤️ و هنبات هناك في خيم Tent
كل 2 بيكونوا في خيمة " متاح سنجل بتكلفة إضافية و عددها محدود "
📝 بالنسبة للبروجرام بقا :
🏃🏻 بص يا سيدي مهم تعرف ان دي رحلة استكشافية و ان احنا اول مرة هننفذ البروجرام دا يعني ع الله حكايتنا كلنا 😂
1️⃣اول يوم هنوصل فيه هنفصل خالص في المكان و نرتاح شوية و نقوم ننزل البحر
و نتعشى بليل و نقضيه سوا و نعمل Stargazing ❤️
2️⃣ تاني يوم بنقضيه كلنا ع البحر و مبنعملش حاجة غير ان احنا ننزل البحر نبلبط و نفصل و نريلاكس خالص 🧘🏻♂️😎 و نسهر ع البحر وسط الهدوء و نتجمع حوالين راكية النار نشرب شاي بدوي وإحنا نشوف النجوم و الكواكب ❤️
3️⃣ آخر يوم بنصحى نشوف الشروق و نفطر و بعدها بنتحرك للقاهرة و ممكن ننزل المدينة نلف فيها ع السريع و نتغدا كمان لو حابين
⚠️ مهم تعرف ان الرحلة دي كامبينج يعني مش مناسبة مع محبين الفنادق 😅😁
⚠️ بيكون في حمام للشباب و واحد للبنات .
💸 البادچت هتكون 5800 ج.م⚠️
و دي بتكون شاملة :
✅الانتقالات بباص مكيف ✅ الاقامة و التصاريح طول الرحلة ✅الوجبات طبعاً ( 2 فطار ، 2 عشاء )
🔢 الرحلة دي هيكون عددنا محدود.
📩 باقي التفاصيل و الدفع هتكون على جروب التليجرام الخاص بالرحلة بعد ما بيجيل اميل بالـ Acceptance .
⚠️ طرق الدفع دلوقتي بقت أسهل وأسرع وكمان تقدر تقسط براحتك بالكريدت كارد بتاعتك او Valu او Sauhoola 🙏🏻