أونلاين :: مؤتمر خطوات صناعة وبناء
شارك معنا أونلاين بمؤتمر "خصب – خطوات صناعة وبناء"
خصب هو ملتقى اقتصادي تنموي سوري، عم يشتغل على إعادة تفعيل الاقتصاد وربط السوريين ببعضهم—بالداخل وبالمغترب—لنبدأ سوا أولى خطوات بناء سوريا بتشبهنا وبتليق بأهلنا.
المؤتمر رح يكون هايبرد رح يجمع بين الحضور بدمشق وبين المشاركين أونلاين من كل بلاد العالم، عبر ندوات ومحاضرات وورشات حوارية، منناقش فيها:
🎯 شو رح نحكي بالمؤتمر؟
🧱 البيئة الاستثمارية والحوكمة
لأنو من أكبر الحواجز يلي عم تمنع كتير مشاريع من إنها تبدأ بسوريا، هي التراخيص، والروتين، والغياب القانوني. إذا ما كان في بيئة قانونية واضحة وآمنة، لا حدا رح يستثمر، ولا مشروع رح يقدر يكبر.
💸 فرص تمويل المشاريع الصغيرة والصغرى
لأنها بتخلق فرص عمل فورية لأن مشروع صغير واحد ممكن يخلق شغل لـ 3-5 أشخاص، ويحرك السوق حواليه. ويرجع السوري منتج
كلشي مهم بهالمرحلة: من تدريب التعليم لحاضنات أعمال، لبنى تحتية، ونظام مصرفي...
بس المحورين هدول (الحوكمة ووالمايكروفاينانس) إلهن أثر مباشر وسريع وفينا نشتغل سوا بالجلسات لنطلع بمخرجات واضحة تساعد الحكومة الجديدة تطبّق سياسات فعالة عالأرض.
🚀 فرجونا | Pitch Day
بالمؤتمر بتنطلق مبادرة "فرجونا : Pitch day" يوم عرض المشاريع ك منصة لرواد الأعمال وأصحاب الأفكار ليعرضوا مشاريعهن الناشئة، ويلاقوا فرص تمويل أو شراكة
📝 سجّل هلّأ
لنوصلك جدول الجلسات حسب توقيتك، وتختار الحوارات والورشات يلي بتناسبك، لتشارك وتتفاعل معها أونلاين من أي مكان بالعالم.
ليش لازم تشارك؟
✅ لأن صوتك مهم!
مو لازم تكون جوّا البلد لحتى تكون عم تشتغل لبكرا و لازم يوصل صوتك وتتمثل مصالحك ومصالح جاليتك بالخطط تبع الحكومة الجديدة
✅أنك رح تتعرف على ناس متلك
سوريين مغتربين ومقيمين، عم يشتغلوا، عم يحلموا، وبدن يبنوا شي حقيقي بسوريا
✅ أنك ممكن تلاقي فرصتك!
تتعرف على مشاريع قابلة للتنفيذ، وشركاء محتملين، وداعمين فعليين لمشروعك القادم.