​🏴󠁧󠁢󠁷󠁬󠁳󠁿 Mae gennym gyfle cyffrous i 10 sefydliad trydydd sector Cymru i ymuno â ni ar her cynllunio i archwilio sut y gall Deallusrwydd Artiffisial (AI) ac Awtomeiddio helpu eich sefydliad i arbed amser.

​Byddem yn eich cefnogi i ymchwilio, profi a gwerthuso sut gall yr adnoddau arbed amser yma eich buddio chi.

​ 

​Dros yr 8 wythnos, bydd angen cadw tri dyddiad yn rhydd yn eich calendr.

​Mae yna tri gweithdy (dau ar-lein ac un wyneb i wyneb). Rhwng y gweithdai yma byddem yn eich arwain trwy gyfres o weithgareddau gallech chi eu cwblhau yn eich amser chi. Rydym yn argymell i chi ganiatáu 2-3 awr yr wythnos ar gyfer y cwrs.

​Byddech chi hefyd yn cael 2 (neu fwy os hoffech) cyfarfod mentor awr o hyd gyda'r hyfforddwyr i sicrhau eich bod chi ar y trywydd cywir ac i'ch cefnogi gyda'r prosiect.

​

​Fformat y cwrs:

​ Gweminar Cyflwyno, 24ain Ionawr, 10yb - 1yp, ar-lein

​Mae'r cwrs yn digwydd dros 8 wythnos, gan gychwyn gyda gweminar hanner diwrnod ble bydd cyflwyniad i'r fethodoleg cynllunio gwasanaeth, sut mae'r broses yn edrych, a sut i ddeall eich anghenion digidol yn well. 

​Cyfnod Darganfod:

​Cewch bedair wythnos i gwblhau darn o ymchwil darganfod yn canolbwyntio ar ddeall ble gallech chi arbed amser. Awgrymir i chi ganiatáu 2-3 awr yr wythnos i gwblhau'r ymchwil yma.

​Gweithdy cynllunio wyneb i wyneb, 21ain Chwefror, 9:30yb - 4:30yp, Gogledd Cymru

​Yn y gweithdy wyneb i wyneb rhyngweithiol yma, byddech yn cael eich tywys trwy weithgareddau i ddiffinio maes i ganolbwyntio arno ac archwilio ffyrdd y gall AI ac awtomeiddio arbed amser i chi. Byddech yn llunio cynllun o sut yr ewch ati i brofi eich syniad arbed amser a chasglu'r canlyniadau.

​Byddem yn ad-dalu costau teithio. 

​Cyfnod profi:

​Cewch pedair wythnos i brofi eich datrysiad a chasglu canlyniadau.

​Sesiwn cloi, 20fed Mawrth, 10yb - 12yp, ar-lein

​Ar ddiwedd yr 8 wythnos, byddech yn mynychu gweminar cloi i roi adborth ar eich prosiect a'r hyn rydych chi wedi'i ddysgu. Mae'n gyfle hefyd i ddysgu o brofiadau'r sefydliadau eraill ar y cwrs. 

​Mentora 1-1: Byddech yn derbyn cymorth, arweiniad a mentora dros yr 8 wythnos.

​ 

​🚀 Nodau a chanlyniadau dysgu'r cwrs:

​Nod y cwrs yw darparu gwybodaeth a sgiliau i'r cyfranogwyr fel y gallant gynllunio gwasanaethau digidol sydd yn canolbwyntio ar y person a'u hysbrydoli i gymryd mantais o ddulliau digidol i arbed amser a macsimeiddio'r effaith gymdeithasol.

​Yn ystod y cwrs, bydd cyfranogwyr yn:

• ​Cael cyfle i ddatrys her go iawn mae eu sefydliad yn wynebu

• ​Neilltuo amser a gofod i brofi ffyrdd newydd o weithio

• ​Dysgu pethau newydd am eu heriau a'u hanghenion sefydliadol

• ​Derbyn mentora ac arweiniad gan arbenigwyr digidol

• ​Dysgu sut i weithredu adnoddau digidol yn effeithiol, gan ddilyn y broses Cynllunio Gwasanaeth

• ​Arbrofi gydag adnoddau digidol newydd

​ 

​Anogir dau berson o bob sefydliad i fynychu'r cwrs (er nad yw'n hanfodol). Mae angen i bob person gofrestru'n unigol.

​ Diolch yn fawr.

​ 

​Cynigir y cwrs yma am ddim i sefydliadau trydydd sector yng Nghymru.

​Mae Llywodraeth Cymru yn cyllido hwyluso'r cwrs trwy Newid. Mae Newid yn hyrwyddo arferion digidol dda ledled trydydd sector Cymru. Cyflawnir hyn wrth ddarparu hyfforddiant, cymorth a gwybodaeth. Mae'n bartneriaeth rhwng ProMo Cymru, Cwmpas a CGGC ac yn cael ei gefnogi gan y Canolfan Gwasanaethau Cyhoeddus Digidol.