Ինչպե՞ս արագ և արդյունավետ արձագանքել կիբեռհարձակումների ժամանակ
Մեր օրերում կիբեռհարձակման զոհ են դառնում գրեթե բոլոր կազմակերպությունները՝ անկախ չափից, գործունեության ոլորտից և կիրառած պաշտպանողական միջոցառումներից։ Կիբեռանվտանգության մասնագետի հիմնական առաքելությունն է արագ և էֆֆեկտիվ ուսումնասիրել, կառավարել և արձագանքել խնդրին։ Հաշվի առնելով, որ Հայաստանում նույնիսկ ամենամեծ կառույցները ենթարկվել են կիբեռհարձակումների, Սայհաբ Արմենիան կազմակերպում է հանդիպում ոլորտի լավագույն մասնագետներից մեկի՝ Լևոն Իսաջանյանի հետ, ով իրական օրինակների հիման վրա կներկայացնի, թե ինչպես կառավարել գործընթացը հարձակման սկզբից մինչև ծառայության բնականոն աշխատանքի վերականգնման պահը։ Հանդիպմանը կարող են մասնակցել ինչպես կեբեռանվտանգության մասնագետները, այնպես էլ այս ոլորտի ուսանողները։ Հանդիպումը տեղի կունենա հուլիսի 29-ին ժամը 19։45-ին Մայքրոսոֆթ ինովացիոն կենտրոնի գրասենյակում։