Conversa: Carlos Caraglia (presencial)
Carlos Caraglia (Inglaterra, 1969) defínese como explorador polar, instructor de buceo, documentalista, speaker, filmmaker, fotógrafo, piloto oficial de drones e operador oficial de AESA. Aos 36 anos de idade sufriu o primeiro infarto, tras o cal realizou 13 expedicións en zonas polares: 6 na Antártida, 6 no Ártico e 1 ao Campo Base do Everest.
Na actualidade dirixe a produtora audiovisual Earth360, é embaixador de Panasonic e Sea Shepherd e co-lidera en España a Advanced Leadership Fundation, que inclúe personalidades tan importantes como o ex presidente dos Estados Unidos Barack Obama, varios premios Nobel, e personalidades e expertos de renome mundial. Dirixiu o documental “Covid-19: el lado humano” (dispoñible en Filmin), no que mostra a realidade dos hospitais de Madrid durante a estalido da pandemia.
Despois de recuperarse dun segundo infarto sufrido hai ano e medio, no pasado mes de agosto lle diagnosticaron un tumor cerebral con unha esperanza de vida de dous anos. Nese momento, iniciou a gravación do documental “My last two years” [Meus dous derradeiros anos] no que quere deixar constancia da súa historia.
Carlos Caraglia será o protagonista da primeira edición da segunda temporada do ciclo “Conversas”, auspiciado polo programa de mentoring “meta.” da Facultade de Ciencias Empresariais e Turismo de Ourense. Na conversa estará acompañado por: Carlos Rivo, director comercial en UNVI e mentor en “meta.”; e por Ernesto López-Valeiras, coordinador académico de “meta.”.
O 28 de outubro ás 20:00 horas conversaremos sobre diversos temas como emprendemento, cambio climático, crise do covid, resilencia e actitude vital, así como outras experiencias e anécdotas sobre na vida de Carlos.
Ao acto, que durará aproximadamente unha hora, pode asistirse tamén de xeito virtual, en directo a través da plataforma “Zoom” no enlace (non é necesario preiscripción): https://us06web.zoom.us/j/83955154932